كيف تختار الكيبورد المناسب لك

MOUHAMMAD KHALED

1:20 م

0 تعليقات

شاركه غرد جوجل+

اول شي الكيبورد بينقسم لنوعين
1- اول نوع غشاء بلاستيكي ممغنط وبيجي غشاء بلاستيكي مدعم بالمغناطيس وهاد النوع بيكون الاكثر توافر بالبحصة وبالسوق والعمر الافتراضي قليل والعتاد يلي بتوصي عليه الشركات المصنعة بيكون الجودة تبعو سيئةوبيكون استجابتو بطيئة كثير بيتعامل مع الازرار بامر واحد فقط (ما فينك تكبس اكثر من زر بنفس الوقت )يعني اذا كبست زر الw وaوs بياخد امر wبعدين aبعدين سوفي نوع ثاني منو اسمو HIGH END مو كل الشركات بتصنع منو بيجي استجابتو اسرع نوعا ما من الاول ويمكن يدعم كبس زرين بنفس الوقت 
.............................................................................................
2-النوع الثاني وهو الكيبورد الميكانيكي (حاسس حالي عم سب مسبة)المهم اول شي الاستجابة للامر سريعة جدا بسبب انو بيتعامل مع كل زر على حدا يعني كأنو كل زر كيبورد لحال واذا طبقنا العملية السابقة على هاد الكيبورد بتتطبق الاوامر بنفس الوقت والعمر الافتراضي تبعو طويل والمواد يلي بتتصنع منو جيدة جدا (باختصار عكس كل الحكي يلي بالنوع الاول)
............................................................................................
هامش هي الفقرة مالها اهمية كثير لانوقليلة الشركات يلي بتساوي المدخل تبع الكيبوردPS\2 
هلق منجي للمداخل الخاصة بالكيبوردات الميكانيكية 
اول مدخل هو الUSB اختصار لUniversal Serial Bus بس مشكلة هاد المأخذ انو ما بيقدر يمرر معلومات كثير وهون منرجع لمشكلة بطئ الاستجابة 
ثاني مدخل هون PS\2 وهاد المدخل مع انو قديم بس تمرير المعلومات تبعو دقيق كثير وبضل اسرع من كل اصدارات ال USB3 
واحيانا ممكن تصير معك مشكلة ما تتعرف المذر بورد على الكيبورد يلي الماخذ تبعو USB بتجي بتركب الPS\2 بتتعرف دغري وبتحللك هي المشكلة 
............................................................................................
اما وقت بدك تشتري كيبورد لازم تركز اول شي على الشركة المصنعة لمفتاح الكيبورد وبعدين تركز على العلامة التجارية
وتعد شركة شيري CHERRY من افضل واعرق الشركات بمجال الكيبوردات الميكانيكية وهي حاصلة على برائات اختراع اغلب الانواع تبع المفاتيح واغلب الشركات الثانية بتحاول تقلدها بس ما ييطلع معها شي ومافينون يسوو نفس تركيبة المفتاح والا بيواجهوا مشاكل قضائية ومحاكم وكذا 
ومن هي الشركات هي شركة KILL وهي شركة المصنع الاساسي تبعها بالصين 
وجودة التصنيع تبعها سيئة كثير مقارنة بشيري ومن العلامات التجارية يلي بتستخدم المفاتيح يلي بتكون مصنعة من هي الشركة هي ريزر فلهيك اذا بدك تشتري كيبورد بعد عن ريزر
بعد عن شو ريزر 
ريزر شو بعد عنها 
...........................................................................................
هلأ منحكي عن انواع مقابس الMX من شركة CHERRY في عنا الازرق والاحمر والبني والاسود 
1-الازرق هاد بيجي الافضل للكتابة الزر ثقيل كثير ومقاومته عالية ووقت بدك تكبس عليه لازم تكبس للاخر يعني مشان ماتكتب شي بالغلط بس عيبو الوحيد انو صوت الكبسة عالي كثير 
2-الاحمروهو بيجي الافضل للجيمرز اول شي بسبب مقاومته الخفيفة يعني مجرد ما تكبس اول الزر بيستجيب للامر بس مشكلتو انو سعرو غالي وتكلفة النتاج غالية
3-البني بيجي متوسط بين الاحمر والازرق يعني بيجي مقاومته متوسطة واستجابته كمان متوسطة
4-الاسود بيجي قريب للاحمر بالالعاب واخطائو اعلى من البني وصوتوا اضعف شي بين الانواع يلي ذكرتها
............................................................................................
وفي بعض انواع الكيبوردات فينك تفك المفتاح وتغير الغطا تبعو او تغير الرابر يعني مقاومة المفتاح بس هي الانواع قليلة جدا 
.............................................................................................
هلأ منجي لأفضل الشركات بتصنيع الكيبوردات وافضل شركة بهالمجال برأيي هي شركة DUCKY بس مشكلة هي الشركة الاسعار الغالية وما بتتوفر على سوفت وير للكيبورد ولا RGB
اما اذا بدك تشتري من شركات ثانية فعليك بهي الشركات
1-DECK
2-FLICO
3-CORSAIR
4-COOLER MASTER
اما شركة RAZER فبعد عنها نصيحة للسبب يلي ذكرتوا فوق ويمكن مالها غير كيبورد واحد من CHERRY وهو RAZER BLACK WIDOW